ગોદડિયો ચોરો…કવિરાજ કે કપિરાજ

ગોદડિયો ચોરો…કવિરાજ કે કપિરાજ

===========================================

ગોદડિયો ચોરો જામ્યો છે. ચોરાનાં બધાં પાત્રો દેશ દુનિયા કુંભ મેળાની

રસિક ચર્ચાના ચક્ડોળે ચઢ્યા છે. હું આજે જરા મોડો પડ્યો હતો.

મેં ચોરામાં પ્રવેશ કર્યો તો ચર્ચા બંધ થઇ ગઇ ને બધા મારી સામે જોઇને

હસવા લાગયાં.

કનુ કચોલું કહે અલ્યા ગોરધન ગઠા ક્યારનાય બબડ્તા હતા તે બોલોને

આ ગોદડિયો આવી ગયો છે.

કોદાળૉજી કહે જો “ગોદડિયા રોજ તુ બબડીગ એન્ડ હમ સબ સુનિંગ આજ

હમ બોલીંગ એન્ડ યુ સાંભળીગ .”  હમજ્યો ગોધરિયા.

એટ્લામાં ધ્રુત્રરાષ્ટ કહે અલ્યા ” તું કવિરાજ છું કે કપિરાજ “

મેં કહ્યુ ભાઇઓ હું તો મહાસાગરમાં નાનું સરખું ટીપું છું

” અનેક મહાન કવિઓ અને લેખકોથી સમગ્ર જગત ભરેલું છે.”

ભદો ભુત કહે અમે તો ફક્ત તારા જેવા કવિઓની વાત કરીએ છીએ.

મેં કહ્યુ પણ આમાં ” કપિરાજ એટ્લે વાંદરાં “ ક્યાંઆવ્યાં.

નારણ શંખ કહે જો ભાઇ જેમ કપિરાજ એક ઝાડથી બીજે ઝાડ એક ડાળથી

બીજી ડાળ કુદે એમ તમે કવિઓ કુદો છો.

મેં કહ્યું ભાઇઓ આનો શો મતલબ થયો એ જરા સમજાવો.

કોદાળૉજી કહે ” અબે ઓ લિસન જેમકી કપિરાજ ઓહ મન્કિ જેમ વડસે પિપળા

મેન્ગો ઝાડ આમલી બાવળિયા એમ ડિફ્ર્ન્ટ ટ્રિ પર કુદ્તા હે વૈસે તુમ કુદ્તા હે.”

મેં કહ્યુ ભાઇ અમે કવિઓ આમ ક્યાં એક ઝાડથી બીજે ઝાડ કુદિયે છીએ.

ગોરધન ગઠો કહે કેમ લ્યા તમે ” આકાશ, સુર્ય ચન્દ્ર, તારા, સાગર , નદી

સરોવર,પહાડૉ, ખીણ, માછલી,ફુલ, ફળ, બાગ બગીચા, રણ,પ્રેમિકા, પત્નિ

લગ્ન, મરણ,જન્મ એમ નવા નવા મુદ્દા પર કુદાકુદ કરો છો કે નહી.”

નારણ શંખ કહે અલ્યા તમે તો રસ અને વર્ણનમાં એટલા ખોવાઇ જાવ છો કે

વાતને ક્યાંથી ક્યાં લઇ જાવ છો.

જેમ કે ” તમે કરુણ રસનાં કલકલીયાં ખખડાવતા પાછા હાસ્ય રસના હિલ્લોળા

મારો.  ભ્રષ્ટાચારનું ભાષણ ભભરાવતા નેતાઓને આયખાનો અરીસો દેખાડૉ”

અઠો કહે ” પ્રેમિકાની પ્રેમાલય ભરી વાતો કરતા વિરહની વેદના ઠાલવતી

ઝઝ્લોના ગુબ્બરા ઉડાવો.”

ભદો ભુત કહે ” શૄંગાર રસની હારમાળામાંથી શોર્ય રસની ધારા ટપકવા લાગે . “

ધૄતરાષ્ટ કહે અલ્યા જેમ” કપિરાજ મનુષ્યને દાંતીયાં કરે અને લોકોનાં કપડાં

ફાડૅ એમ તમે કવિરાજો પણ કલમથી એવું જ કરો છો.”

કનુ કચોલું કહે અલ્યા તમે ” કલમ દ્વારા ભલ ભલાનાં કપડાં ફાડી નાખો એનુ

અસલ વ્યક્તિત્વ સમાજની સામે લાવો છો.”

મેં કહ્યું  જોકે તમારી એક વાતને મારે તમારી ધ્યાને લાવવી છે  કે લેખકો અને

કવિઓ સમાજ અને રાષ્ટ્રના ઉથ્થાનમાં મહત્વનું યોગદાન આપે છે.

 

હાટકો=

” પડ્યુ પાનું નિભાવી જાણૂં છું ને જખમ દીલમાં સમાવી જાણૂં છું

   લોક જેને ગણૅ છે ફક્ત પત્થર , શિલ્પ એમાંથી બનાવી જાણૂં છું “

===============================================

સ્વપ્ન જેસરવાકર