ગોદડિયો ચોરો…મહા ગનાની પ.પૂ.ધ.ધુ. શ્રી શ્રી ૪૨૦ “ઠાઠડિયા બાપુ “

 
ગોદડિયો ચોરો…મહા ગનાની પ.પૂ.ધ.ધુ. શ્રી શ્રી ૪૨૦  “ઠાઠડિયા બાપુ “
=============================================
ગોવિંદભ પટેલ (સ્વપ્ન જેસરવાકર) નો ગોદડીયો ચોરો.
ગોવિંદ પટેલ (સ્વપ્ન જેસરવાકર) નો ગોદડીયો ચોરો.
ગોદડિયો ચોરો બજેટના બફાટે ચઢ્યો છે. શું મોંઘુ ને શું સસ્તું થશે એની ચર્ચાઓ
ચાલે છે. કોદાળો ને ધૃતરાષ્ટ્ર દારુ બનાવવાની વસ્તુઓ મોંઘી થશે કે સસ્તી એની
ગણતરીઓ એક મહિનાથી માંડી રહ્યા છે.
ત્યાં કનુ કચોલું ને ભદો વાતો કરતા પ્રવેશ્યા ને કહે અલ્યા ગોદડિયા આ
કુંભમેળામાંઆપણે જવાનું છે કે નહિ એ તુ વેળાસર નક્કી કરી દે.
જો ” બધાય બાવાઓએ લાવ લશ્કર લઇ ડેરા તંબુ તાણ્યા ને રાવટીઓ નાખી છે.”
ત્યાં તો કોદાળો કહે હા આપણે બધાએ કુંભમા વાજતે ગાજતે જવું  જોઇએ.
મેં પુછ્યું કેમ તમને બધાને કુંભમેળામાં જવાની આટલી તાલાવેલી કેમ છે?
કોદાળો ને ભદો કહે જો ” ગોદડિયા તારી પાસે અમેરિકાના વિઝા છે પણ અમારા
બધાનુ શું ? આ તો હોભર્યું છે કે કુંભના મેળામાં જર્મની ફ્રાંસ અમેરિકા ઓસ્ટ્રૅલિયા
નોર્વે રશિયાથી કન્યાઓ મેળો મહાલવા આવે છે એમાંથી કોઇની નજરોમાં અમે
આવી જઇએ તો અમારા ફેરા સફળ થાય ને અમારો વિદેશ યોગ થાય”
બધાની ઇચ્છાને માન આપવા ખાતર અમે કુંભમેળામાં જવાનું નક્કી કર્યું.
અમે તો પ્રયાગ પહોંચી ગંગા કિનારે તંબુ તોંણ્યા પણ કોદાળો કચોલું ભદો ભુત
શંખ ગોરધન ગઠો અઠો બઠો બધાયે મારી જાણ બહાર નવતર આયોજન કર્યું.
એમણે તો તંબુની બહાર પ્રવેશ દ્વાર બનાવી પાટિયું મારેલું  કે ……...
“પધારો પધારો ગોદડિયા અખાડાના ગોદડિયા અવતારી એવા મહા ગનાની 
પ.પૂ.ધ.ધુ શ્રી શ્રી ૪૨૦ “ઠાઠડિયા બાપુ “ના દુર્લભ દર્શનનો લહવો અવશ્ય લ્યો.”
બીજા દિવસે ગંગા સ્નાન જવાના સમયે હું બહાર નીકળ્યો તો અચંબીત થયો.
” મારા વા’લાઓએ મારા માટે મડદાને સ્મશાને લઇ જવા બનાવવામાં  આવે છે
એવી કલાત્મક ઠાઠડી બનાવી રાખી હતી “
મને કહે ગોદડિયા હવે તું અહીં ઠાઠડિયા બાપુ છે .ચાલ ચડી જા આ ઠાઠડી પર.
મેં કહ્યુ ” અલ્યા જીવતે જીવ મને ક્યાં ઠાઠડીયે ઠઠાડો છો.”
ગોરધન ગઠો કહે “હવે ચાંપલો થા મા ભલ ભલાની ઠાઠડીયો તેં લેખમાં ઠઠ્ઠાડી
છે.”
અલ્યા આ તો પબ્લિસીટીનો જ જમાનો છે જોજે આપણા તંબુએ ભક્તોની ભીડ
જામશે.
કોદળો કહે” યુ નો અબ પરદેહી ગર્લ્સ મેલા ઇધર લગીંગ મે બી અવર લગન
ચાન્સહો જાયેગા ઓર વી આર ફોરેન કનતરી ( કંન્ટ્રી) ઘુમીંગ “
બસ પછી તો મને પકડીને ઠાઠડી પર સુવાડી દીધો ને ફુલહાર અબીલ ગુલાલ કંકુ
નેઉપર બે નાળિયેર ઉભાં મુક્યાં . ફક્ત મારૂં મોં ખુલ્લું રાખી કંકુવરણું કરી ચંદન
કેરા લપેરડા કર્યા.
મેં કહ્યું અલ્યા મારા બદલે બીજો કોઇ આ લહાવો લ્યો તો કહે તને ઉપદેશ આપતાં
સારું આવડે છે .જો વિદેશી ભક્તો આવે તો જરા વિસ્તૃતને જરા લાંબો ઉપદેશ આપજે.
એટલે વધુ સમય અમને એમને જોવાનો લહાવો મળે.
અમારી ઠાઠડિયા બાપુની શાહી સવારી ગંગા કિનારે જવા નીકળી  પડી.
બધાયે જોરથી જય બોલાવવા માંડી
મહા ગનાની પ.પૂ.ધ.ધુ.શ્રી શ્રી ૪૨૦ “ઠાઠડીયા બાપુ ” નો જય હો .
ભદો કોદળો ને કચોલું વિદેશી કન્યા મેળવવાના મોહમા ખુબ ઉત્સાહિત હતા.
મારા વા’લા વિદેશી કન્યાઓ જે પોકારે એટલે જોરથી  જય બોલીને મારી
છાતી પર મુકેલા નાળિયેર પર ધબ્બો મારે હવે છોલ્યા વગરનાં નાળિયેરને
બેઠક્ના ભાગે અણી જેવો ભાગ એટલે જેમ જય બોલી ધબ્બો મારે એમ મને
યમદુતો નજીકઆવતા હોય તેમ શિયાંવિયાં થઇ ગંગાસ્નાન છેલ્લું સ્નાન
લાગવા માંડ્યું
મેં કહ્યું અલ્યા કોદાળા ને કચોલા “તમારે વિદેશી વહુ લાવવી છે ને મારો જીવડો
જઉ જઉ કરે છે .”
એમણે તો મોટેથી નગારાં ડંકા ને છલબલિયાં સાથે લલકારવા માંડ્યું
” ઠાઠડિયા બાપુ કરશે સનાન ગંગા ને એતો નિકળશે દરભંગા
 એમણે ભલભલાની ઠાઠડિયો કાઢી હવે આવી છે એમની વારી”
અમારા રંગેચંગે  ચાલતા આવા તાલ તાસીરા જોઇને રસ્તામાં મહામંડલેશ્વર
અને નાગાબાવાઓએ અમને ઉભા રાખી ધધડાવ્યા.
 “અબે ઓ ગધે યે કૈસે બાપુ હે સાલે ધરમકા નામ બિગાડને નિકલે હો ?”
મેં જેમ તેમ કરી બધાય બાવાઓને પ્રણામ કરી સમજાવી મામલો થાળે પાડ્યો.
મેં મારા મિત્રોને કહ્યું ” જો આ બાવાઓ ન માન્યા હોત તો આ ઠાઠડિયા બાપુ ખરા
અર્થમા ઠાઠડી ભેગા થઇ જાત . બાવા ક્યારે બગડે  તે કહેવાય નહિ.”
ગંગા સ્નાન કરી અમારો રસાલો પરત ફરી રહ્યો હતો પાછળ ભક્તોનુ મોટું  ટોળું
મહા ગનાની પ. પૂ.ધ.ધૂ શ્રી શ્રી ૪૨૦” ઠાઠડિયા બાપુ નો જય હો ” પોકારતું
ચાલતું હતું.
વિદેશી ભક્તો ને બલાઓ (બાલાઓ ) પણ ડિસ્કો સ્ટાઈલમાં જે પોકારતી હતી
“મેહા ગાની  થાટરીયા બેપુ જેય જેય  જેય બોલતા જાય ને ડોલર પાઉન્ડ રુબલ
ફ્રાંક ને યુરો ઢગલાબંધ ઠાઠડી પર ચડાવવા લાગ્યા.”
વિદેશી મુદ્રાઓનો અવિરત વરસાદ વરસતો જોઇ કોદાળો કચોલું ભદો ભુત અઠો
બઠો ગોરધન ગઠો નારણ શંખ ને ધૃતરાષ્ટ્ર ગેલમા આવી જઇ જોરથી નાચવા
લાગ્યા.
મારા બેટા નાચતા જાય ને વારાફરતી નાળિયેર પર મુક્કા મારતા જાય જેમ જેમ
નાળિયેર મુક્કા પડતા જાય તેમ તેમ મને ૧૨૦૦૦ વોલ્ટના ઝાટકા મારી છાતીમાં
લાગતા જાય ને મને તો ચાર દિશા અવકાશ પાતાળ જમીન પર્વતો નદીઓ
સાગરો એમ ચૌદ બ્રહ્માંડ દેખાવા લાગતાં હતાં.
મેં કહ્યું “અલ્યા ડફોળો જો વિદેશી વહુ લાવશો તો તમને બધાને એ નચાવશે જોતા
નથી કેટલાય પાઘડી લુંગી ને પેન્ટ  સાથે બાપુઓ ય નાચે છે “
વિદેશી મહિલાઓ પણ ” કેન આઇ સી થાટડિયા બેપુ ( શું હું ઠાઠડિયા બાપુ
ને મળું)”
” બેપુ ગઈવ અસ સમ ઉપધેશ (ઉપદેશ) એંડ સમ જયાન (જ્ઞાન) ફ્રોમ ઘીટા
(ગીતા)”
એટલામાં ભજિયાગીરી ગોસ્વામી, ખમણશી ખણખોદીયા, ઢોકળાપ્રસાદ
ઢોકળીયાકેટલાક રાજકીય પક્ષોના નેતાઓ  જેમને પ્રધાનમંત્રી કે મંત્રીની ઇચ્છા
ધરાવતાસાથે પધાર્યા ને બધાને બહાર કાઢી મંત્રણા કરવા લાગ્યા.
કોદાળો વિદેશી મહિલાઓને કહે “યેસ યેસ બાપુ ટુડે  વાંચઈંગ ઓર કલ સુનાઇંગ .
” ટુ ડે બાપુ ધેટા દર્શન કરીંગ ઓર કુછ આશ્રમકે લિયે ફ્રિ પ્લોટાકા સોદા કરીંગ
એન્ડ આશિર્વાદકા ઢોંગ કરકે પૈસા પડાવીંગ યુનો બાપુકા બિઝનેસ”
જોયુ નહી ” યે બાપુ ઘીટા (ગીતા)કરતાં ઘેટાઓની બરાબર ખબર રખીંગ “
કોઇ વિદેશી યુવતીએ કોદાળા કે કચોલું કે ભદા ભુતને ભાવ ના આપ્યો એટલે
એવડાએ અકળાયા ને કહે” માળી હાળીની નવૈની ( નવાઇ)નાગણો અર્ધી નાગી
ફરે છે ને આ હુખડ (સુખડ)ના હોટા (સોટા) જેવા કુંવરીયાને બાવળિયા જેમ ઝાટકે
છે “
આપણી સરકાર આ ધોળિયાઓને નકામા વીઝા આપે છે.
એમ કરતાં રાત પડી ગઇ ને ભજન કિર્તન સથે ભોજન લઇ સર્વે સુઇ ગયા.
બીજા દિવસે વસંત પંચમીનું મહા સ્નાન હતું
સવારના બ્રહ્મ મહુર્તમા તમામ સાધુ સંન્યાસી મહામંડલેશ્વરો અને નાગા બાવાના
અખાડા પાવન પવિત્રી ગંગામાં સ્નાન કરી સુર્ય નારાયણને અર્ધ ચડાવી પ્રેમ
વિભોર થઇ ગયા.
મહા સ્નાનના મહિમાને જોવા ને વધાવવા અવકાશમાં દેવો પણ પધારે છે.
બીજો  દિવસ સ્નાન વિધિ દાન વિધિ વિચારોનુ આદાન પ્રદાન સાથે ધર્મ
પરિષદની ચર્ચામાં વિત્યો.
રાત્રિના સુમારે  ભજન ભોજન આત્યાદિ વિધિથી પરવારી મિઠી નિંદરની પ્રતિક્ષા
કરતાં રાત્રે  બાર વાગી ગયા હતા
ત્યાં જ ભદો આવીને કહે ” ઠાઠડિયા બાપુ કોઇ રુપ રુપના અંબાર જેવુ તેજીલું
વ્યકતિત્વ  ધરાવતા સજ્જ્ન આપને મળવા માગે છે. “
મેં  કહ્યું એમને કહો કાલે ચર્ચા વિચારણા કરીશું સવારે મળજો.
ભદાએ જઇને સંદેશો કહ્યો તો કહે ” આ તમારા ઠાઠડિયાને જઇને કહો આ
રાજકારણીયો સાથે રહી વાયદા કરતાં શીખી ગયો છે ને એનુ નામ જે વસ્તુ
પરથી રાખ્યુ છે ને એ વસ્તુ  જે કામ માટે વપરાય છે એનો તમામ હવાલો મારી
પાસે છે ટુંકમા એવડા એ ખાતાનો  હું મિનીસ્ટર છું .”
“માય નેમ ઇઝ  ચિત્રગુપ્ત નાઉ યુ અન્ડરસ્ટેન્ડ “
ભદો બહુ દોઢ ડાહ્યો એ કહે હવે આ ભાડુતી મુગટ ને આ રજવાડી ડ્રેસ પહેર્યો એટલે 
બસ ગપ્પાં જ ઠોકવાનાં લાવો ઓળખપત્ર બતાવો.
ચિત્રગુપ્ત કહે “હવે વાયડો થા મા નહિતર યમરાજને કહી હમણાં જ ઉપાડી
લેવડાવીશ.”
ભદાને તો લુઝ મોશન થઇ ગયુ હોય એમ દોડતો આવીને કહે “ઓ ઠાઠડિયા આતો
પેલા ચોપડાના ચિતરનાર ચાચા ચિત્રગુપ્ત ચડે ઘોડે ચમક્યા છે .”
મારીય લુંગી ઢીલી ઢબ થઇ ગઇ ને હું દોડતો જઇને ચિત્રગુપ્તજીને પગે પડી માફી
માગી.
ચા પાણીનો હુકમ કરી ચિત્રગુપ્તજી સાથે બેઠો ને કહ્યુ ફરમાવો મારે લાયક કામ.
ચા ની ચુસકી લેતાં ચિત્રગુપ્ત કહે “મારે યમરાજને બોલાવવા પડ્શે “
મેં કહ્યું પ્રભુ ” આ ઠાઠ્ડિયા બાપુ નામ તો મારા મિત્રોએ ગમ્મ્તમાં રાખ્યું છે.
આપ હવે મને ઉઠાવવાની યોજના કરો છો હજુ મારા કરતાંય વયોવૃધ્ધ અને
પાપીઓ ઘણા બધા છે”
“ખાલી નામ રાખવાની આવડી મોટી સજા. દિલ્હીમા તમને એંશી નેવુંના
બીજા અનેક નડતા મલી રહેશે. મને હજુ તો પાંહઠ જ થયાં છે”
“હજુ બીજાં પાંહઠ સુખેથી કાઢવા ધ્યો ને બાપલિયા”
ચિત્રગુપ્ત કહે અલ્યા તને નથી ઉઠાવવાનો આતો તારી જોડે ચર્ચા કરવા આયો છુ
ને જરુર પડે તો તારી મદદ લેવી પડ્શે.
મેં કહ્યું ” બીજાં સાઇઠ પાંહઠ વધતાં હશે તો જરુર મદદ કરીશ અમો ગુજરાતીઓ
બધીય જાતના વેપાર કરીને નફો તો તારવી જ લઇએ .”
ચિત્રગુપ્ત કહે મુદત માટે પછી વિચારીશુ મારેય એ માટે વિધેયક રજુ કર્વું પડે
  પણ……
” આજે ગંગા સ્નાન સમયે તેમજ મેળામાં મે એવાય ઘણાં કાટલાં જોયાં કે અમારે
ચોપડે એ વોન્ટેડ બોલે છે ને અહીં બિન્દાસ થઇને ઘુમે છે .”
” મારા વા’લા યમરાજને ય ઉઠાં ભણાવે છે.”
યમરાજ આવે ત્યારે જાત જાતની દલીલો કરે છે ને અમારો  યમરાજ પણ ચા
નાસ્તાપાણી કરીને ધોયેલા મુળા જેવા પાછા આવે છે.
“અમે ઘણુંય ખખડાવીએ તોય પાડા સાથે રહીને પાડાની ખાલ ને પાડા જેવો રીઢો
થઇ ગયો છે. “
જો હવે રાત્રિ ખુબ વહી ગઇ છે એટલે કાલે રાત્રે બાર વાગે આગળ ઉપર શું પગલાં
લેવાં એની ચર્ચા કરીશું …શુભ રાત્રી કહી ચિત્રગુપ્તજી અદ્ર્શ્ય થઇ ગયા.
રાત્રે બે વાગે ફરી કોઇ ભાઇ હાથ વડે લખેલી ચીઠી કોદાળાજીને આપી ગયેલા.
કોદાળો ઉંઘમાં હતો ને સપનામાં  વિદેશી કન્યાઓ સાથે તરંગના હિંચકે હિલોળે
ચડ્યો હોઇ ચીઠી વાંચી નહિ.
સવારમાં નાહ્યા ધોયા પછી ચીઠી લઇ કોદાળો સભાખંડંમાં પ્રવેશ્યો ને ચીઠી બતાવી કહે…..
અલ્યા ઠાઠડિયા જો બધા હાજર છે તો વાંચું છું
શ્રી શ્રી ૪૨૦ ઠાઠડીયા બાપુ ને મંડળી………
સવિનય જાય તેલ લેવા ધમકી ભરી ભાષામાં…...
“કાલે ગંગા સ્નાન યાત્રામાં ઘણા વિદેશી ભક્તોએ ચઢાવો ચડાવ્યો છે .
વિદેશી મુદ્રાની આવક માટે સરકારને  જાણ કરવી જરુરી છે .
છતાંયે આપ ફેરા ભંગનો કાયદામાં સપડાવા ના માગતા
હો તો સત્વરે મારો સંપર્ક કરવો હુ બધું સમેટી લઇશ.”
તોડીમલ તોડખાઉં
(તોડના એકસ્પર્ટ)
ઉઝરડી ખાઉ ડીપાર્ટ્મેંન્ટ
કાણાં મંત્રાલય
ત્રીજા માળે ..રુમ નં ૪૨૦
તઘલખી રોડ …નવી ઢીલ્લી.
ચીઠી વાંચીને બાળી મુકવી જો કે મેં આ ચીઠી અમારા ડીપાર્ટંમેન્ટના બહૂ દોઢ ડાહ્યા
વેદિયા ને સતવાદીની પુંછ્ડી એવા સીધાલાલ સિધ્ધાંતવાદીના દિકરાને
ચોકલેટ ખવડાવી લખાવી છે એટલે ચીઠી પકડાય તો સીધાલાલ સીધા
જેલમા સંચરે .
મને તો કાંઇ થવાનું નથી ” છેલ્લાં પાંસઠ વર્ષથી આમ જ આ દેશ ચાલે છે.”
ગાંઠિયો-
“એક નનામી જતી હતી એ નામી હોવા છતાંય નનામી જતી હતી
 એ નનામી જતી હતી કે કોઇના સૌભાગ્યની નિશાની જતી હતી
પણ જતી હતી એ રીતે કે જાણે ઘરની કોઇ ચીજ નકામી જતી હતી”
=========================================
સ્વપ્ન જેસરવાકર
Advertisements

12 thoughts on “ગોદડિયો ચોરો…મહા ગનાની પ.પૂ.ધ.ધુ. શ્રી શ્રી ૪૨૦ “ઠાઠડિયા બાપુ “

  1. ગાંઠિયો-

    “એક નનામી જતી હતી એ નામી હોવા છતાંય નનામી જતી હતી

    એ નનામી જતી હતી કે કોઇના સૌભાગ્યની નિશાની જતી હતી

    પણ જતી હતી એ રીતે કે જાણે ઘરની કોઇ ચીજ નકામી જતી હતી”

    તમારો આ સ્વાદીસ્ત ગાંઠિયો બહુ જ ભાવી ગયો .( એ કદાચ સુરતી ફરસાણમાંથી લાવ્યા હશો !)

    Like

  2. શ્રીમાન. ગોવિંદભાઈ ( સ્વપ્ન )

    આપ તો ચોતરા પર બેઠા બેઠા સરસ ગાંઠિયા વહેંચો છો ને.

    ગાંઠિયો-

    “એક નનામી જતી હતી એ નામી હોવા છતાંય નનામી જતી હતી

    એ નનામી જતી હતી કે કોઇના સૌભાગ્યની નિશાની જતી હતી

    પણ જતી હતી એ રીતે કે જાણે ઘરની કોઇ ચીજ નકામી જતી હતી”

    Like

  3. ગોવિંદભાઇ
    ” યે બાપુ ઘીટા (ગીતા)કરતાં ઘેટાઓની બરાબર ખબર રખીંગ “

    ખરી વાત કહી આપે ગીતા કરતાં બાપુઓને ઘેટા ( નેતાઓ)માં વધારે રસ હોય છે.

    સરસ વિષલેષ્ણ આલેખ્યું છે. હવે આશ્રમ ખોલી આ ઘેટાઓને જરા દેશપ્રેમનુ જ્ઞાન આપો

    જબરો ભાઇ આ તમારો ગોદડિયો ચોરો ..ગમ્યો ખુબ મજા આવી

    Like

  4. ગોવિન્દભાઈ,

    તમારૂં પોસ્ટરૂપી વર્ણન અજબ છે !

    દેશમાં અનેક “૪૨૦ બાપુઓ” પાકેલા છે.

    હવે વણી વણીને પાકેલાને ફેંકવા જોઈએ (જેરી રીતે પાકેલી કેરીઓને ચુસીને ફેંકી દેયાય)..અહી રાજકીય નેતાઓ ખુબ જ “મોટા અને મીઠા” એટલે પહેલા !

    ..ચંદ્રવદન
    DR. CHANDRAVADAN MISTRY
    http://www.chandrapukar.wordpress.com
    Chandrapukar Par Padharjo !

    Like

  5. શ્રી ગોવિંદભાઈ..પંડિતો પણ લખવામાં તમારી આગળ પાછા પડી જાય, એટલી વાર્તા પૂરાણ મજાની રીતે લખ્યા છે.

    આજની પરિસ્થિતિને તમારી કલમે માણવાની એક ઓર મજા છે.

    રમેશ પટેલ(આકાશદીપ)

    Like

  6. એક જ લેખમાં બે ત્રણ વિષને આવરી લઈને દરેક વિષયની સચોટ તસ્વીર રજૂ કરી છે.
    આજના સમયમાં ભાગ્યે જ કોઈ ગુજરાતી લેખક, આ વિષયમા આપની હરીફાઈ કરી શકે.
    ધન્યવાદ.

    Like

પ્રતિસાદ આપો

Fill in your details below or click an icon to log in:

WordPress.com Logo

You are commenting using your WordPress.com account. Log Out / બદલો )

Twitter picture

You are commenting using your Twitter account. Log Out / બદલો )

Facebook photo

You are commenting using your Facebook account. Log Out / બદલો )

Google+ photo

You are commenting using your Google+ account. Log Out / બદલો )

Connecting to %s