ગોદડિયો ચોરો…વિશ્વાસનો આઘાત

ગોદડિયો ચોરો…વિશ્વાસનો આઘાત
=========================================================
વહાલા વાંચકો જુન ૨૮ ના રોજ ” ગોદડિયા ચોરા”નો ૭૫ મો હપ્તો રજુ થશે.
હવેથી દર માસના છેલ્લા શુક્ર્વારે નવીન વિષય પર એક નવીનતા ભર્યો
અનોખો હપ્તો રજુ થશે.
====================================================================
cropped-11.jpg
ગોદડિયા ચોરામાં વરસાદના વિકરાળ સ્વરુપે વસમા અનુભવોની ચર્ચા જામી છે.
કોદાળો કચોલું શંખ અઠો બઠો ગઠો ભુત ને ધૃતરાષ્ટ્ર સાથે ગોદડિયાજી ભીની ગોદડી લઇ આઘાપાછા થઇ રહ્યા છે.
આજે ચોરામાં અલખનંદા ને ગંગાના પુરના ફેલાયેલા ફંદાના સંસ્મરણો સાથે વિશ્વાસઘાતના આઘાતના પડઘા પછડાતા હતા.
એટલામાં “રાજકારણના રોટલે રખડતા ને નિવેદનો નામે ચરી ખાઇ રોકડું પરખાવતા રણછોડ રોકડી કાકા ધોતિયાની પાટલી પકડી પધાર્યા.”
હવે ” નામાંકિત નિવેદનીયા રોકડી કાકા પધારે એટલે બીજા કોઇએ બોલવાનું નહિ ફક્ત શ્રોતા બની સાંભળવાનું જ .”
કોદાળો કહે રોકડિયા કાકા આજે આપનું રોકડિયું નિવેદન કયા વિષય વસ્તુને અનુલક્ષી છે તે કૃપા કરીને જણાવો.
રણછોડ રોકડી કહે “અલ્યા છોકરડાઓ આ ગંગાને ગંદી કરી પર્યાવરણને નુક્શાન કર્યું”
“અલ્યા આ બડઘા જેવા બબુચકોએ જંગલ જમીન  ઝાડ પત્થર ખનિજ બધુંય જાણે બાપનો માલ હોય એમ ચુંટાયા પછી ચટણી કરી ગયા.”
અલ્યા ભગવાનોનેય ભેખડે ભરાવી આ ચુંટાયેલાં ચકલાં બધુંય ઓહિયાં કરી ગયા.
પછી ગંગાને અલખનંદા ભેગાં થઇ ઇન્દ્રને કહે હવે અનરાધાર વરશો .
“આમને સતાના નશામાંથી સત્યાનાશના રસ્તે વહાવો પણ એમાં ભોળી જનતા ફસાઇ ગઇ ને આખલાઓ મારા વા’લા બચી ગયા.”
હવે જમના પણ ઝંડ જેવા સ્વરુપે દિલ્લીને ઢિલ્લી કરવાના મનસુબે વહી રહી છે.
હમણાં ” બે દા’ડા પહેલાં હત્તર (સતર) વરહ્થી પૈણેલાં જોડકાં છુટાછેડા લઇને  છુટાં પડ્યાં ને
દહેજ કોણે માગેલું કોણ માગું લઇને આવેલું કોણ શું બોલેલું  કોણે આક્ષેપો કરેલા સાસુ સસરા
નણંદ ભોજાઇ ભાભી જેઠ એ બધાએ ક્યારે કેવાં મહેણાં મારેલાં એવી વાતોનાં વડાં આ નવરી નાણાંભુખી ચેનલો પર ચર્ચાઇ રહ્યું છે.”
એને બીજે દિવસે પાછા ” વિશ્વાસઘાત દિન” ઉજવવા બેઠા એમાં મોંઢાના ફડાકા મારતા રસ્તે લાઠીદાવ રમવા લાગ્યા.
રણછોડ રોકડી કહે ” અલ્યા કસ વગરના કંદાઓ આ પોંહઠ (પાંસઠ) વરહથી (વર્ષ) આ તમે બધા પક્ષોના પોપટોએ ચરી ખાધું ને એકેય વચન ના પાળ્યું
એટલે તો આ દેશની જનતાએ વિશ્વાસઘાત દિનની ઉજવણી કરવી જોઇએ એ એમનો અધિકાર છે.”
કનુ કચોલું કહે ઓ રોકડી કાકા તો બધાં વચનોની યાદ આપી રોકડી કરો !
એટલામાં ગોરઘન ગઠો ચા લઇ આવ્યો ને ચા કેરી ચકરડીના ગોટે ચડેલા રોકડીએ
જેમ કોઇ વિદ્વાન જ્યોતિષી ટીપણું કાઢે એમ ખિસ્સામાંથી બીડી માચીસ કાઢીને
સળગાવી સડાકો મારી ઉંડો કશ ખેંચી બોલ્યા લ્યો ત્યારે ગણવા માંડો વિશ્વાસઘાતો.
” ૧૯૫૮માં કેરળમાં નામ્બુદ્રીપાદની  સરકાર  તોડાવી પંડિતજીએ પક્ષ પલટો કરાવ્યો.”
” હિંદી ચીની ભાઇ ભાઇના સુત્રમાં ચીને હજારો માઇલ જમીન હડપ કરી”
” હજારો સૈનિકોએ શહીદી વહોરી જીતેલો પ્રદેશ દુશ્મન દેશોને પરત કર્યો “
“લોકશાહીને ટુંપો દઇ કટોકટી દાખલ કરી કેટલાયને જેલવાસ કરાવ્યો”
” જનતા પક્ષની સરકારને તોડવા ચરણસિંઘ ને રાજનારાયણને હાથા બનાવ્યા”
” રામ રથયાત્રા કાઢી જનતાને બેવકુફ બનાવી સતામાં આવી મંદિર ના બનાવ્યું”
“૧૯૯૫માં ભાજપની સરકાર તોડનારા બંન્ને પક્ષોમાં મોટા હોદ્દે બેસી ગયા “
” લોક્પાલ ખરડામાં ને ચુંટણી પંચના સુધારાઓમાં બધા પક્ષો પોતાને અનુકુળતા
રહે તેવી ચાલો ખેલતા આવ્યા”
” સંસદ સભ્યો ને ધારાસભ્યો પોતાના પગાર ભથ્થાં જાતે જ નકકી કરી જાણે
બાપની પેઢી હોય તેમ અકરાંતિયાની જેમ ખાવા લાગ્યા.”
” લોકાયુક્તમાં જીદ પકડી નિમણૂંક ના કરી પરિણામે પરષોતમ સોલંકી, બાબુભાઇ
બોખિરીયા ને દિલીપ સંધાણી જેવાઓએ કરેલાં કૌંભાંડો વેળાસર સામે ના આવ્યાં”
” લોક્સભા ને વિધાનસભા ચાલવા ના દો ને વોક આઉટ કરી પાછા એ દિવસની
સહી કરી પગાર ભથ્થું લઇ લ્યો છો.”
” કોલસા, આદર્શ સોસાયટી, ટેલીકોમ્યુકેશન,રેલ્વે,હેલિકોપ્ટર એવાં કૌભાંડો કરીને
દેશને કૌભાંડીયા દેશોની યાદીમાં મુકી દીધો.”
” આ ઉતરાખંડના કેદારનાથ ઉતરકાશી તેમજ હિમાચલ પ્રદેશ ને યમુનાજીએ
દિલ્લ્હીની ઉઅંઘ હરામ કરી નાખી છે ત્યારે બધાય નિવેદનીયા નેતાઓ બણગાં
ફુંક્વામાંથી ઉઅંચા આવતા જ નથી.”
” આવા કેટલાય વિશ્વાસઘાતો આપ સર્વે દ્વારા જનતાએ અનુભવ્યા છે.”
મેં કહ્યું રોકડિયા કાકા આના માટી આપને કોઇ રોકડીયો ઉપાય સુઝતો હોય તો કહો.?
રોકડિયા કાકા કહે બહુ જ સરસ ને ઉમદા ઉપાય છે જો જનતા વિચારે તો .!
જુઓઆ ધારાસભ્યો ને સંસદ સભ્યો જનતા દ્વારા ચુક્વાયેલા વેરાના પૈસામાંથી
તાગડધિન્ના કરે છે તો સંસદ સભ્યો માટે સુપ્રિમ કોર્ટ ને ધારાસભ્યો માટે દરેક
રાજયની હાઇકોર્ટોની સીધી દેખરેખ નીચે જો હું સુચવું તે કામકાજ થાય તો આખી
દુનિયામાં ભારતનો ઝડપી વિકાસ થાય ને નાણાંનો બચાવ થાય.”
નારણ શંખ કહે કાકા એવું તે કયું કામ છે તે જણાવો અમારી ઉત્કંઠા જાગી છે.
રોકડી કાકા કહે ” જુઓ આ સંસદ સભ્યો કે ધારાસભ્યો પગાર ભથ્થાં તોડી ખાય
ને પાછો એમને ગમે તેટલા  મળે એમાં આવક વેરો તો લાગે જ નહિ. હવે જો
આ બધા સંસદ કે વિધાનસભા ચાલુ હોય ત્યારે પગાર ભથ્થાં લે એ વ્યાજબી
ગણાય પરંતુ આખા વરહમા ૫૦ ૮૦ કે ૧૦૦ દિવસ ગૃહો ચાલે ને બીજા દિવસો
ઘેર બેઠાં પૈસા તોડી ખાય એ ગેર વ્યાજબી કહેવાય “
કોદાળો કહે તો એને વ્યાજબી બનાવવા એમની પાસે કયું કામ લેવું જોઇએ.
રોકડી કાકા કહે ” જુઓ ગુજરાત વિધાનસભાનો દાખલો આપું કે વિધાન સત્ર પતે
પછી પ્રધાનો અને ધારાસભ્યોને હાઇકોર્ટ આદેશ કરે કે પ્રજાકીય કામો માટે  આપે
સોમવાર ને મંગળવાર નકકી કરેલા છે તો એ બે દિવસ આપ સચિવાલયમાં હાજર
રહી શકો છો જ્યારે બુધ ગુરુ શુક્ર એ ત્રણ દિવસ કોદળી પાવડા ને તગારાં લઇને
નર્મદા નહેર યોજનાની નહેરો ખોદવાની છે . હવે એમાંય પગાર ધોરણ મુજબ
પ્રધાનો વધારે પગાર મેળવે એટલે એમણે ૧૦ કલાક કામ કરવાનું જ્યારે બાકી
ધારાસભ્યોએ ૮ કલાક કામ કરવાનું રહેશે એમ સંસદ સભ્યોએ રેલ્વે નાખવાની
હોય ત્યાં કામગીરી બજાવવાની રહેશે. બંધ રોડ ઍવાં ઘણાં કાર્યો સમાવાય.”
“જો આવુ થાય તો આ નેતાઓને શ્રમનું મહત્વ સમજાય મજુર વર્ગને પડતી
મુશીબતોનો પ્રત્યક્ષ અનુભવ થાય. કેટલા વિસે સો થાય તે ખબર પડે.”
ગાંઠિયો.-=
” હાર્ટ ,બ્લ્ડ પ્રેશર , ડાયાબીટીશ એવા રોગો આ ચુંટાયેલ પ્રજાતીમાં વિશેષ થાય છે.”
=====================================================
સ્વપ્ન જેસરવાકર
Advertisements

12 thoughts on “ગોદડિયો ચોરો…વિશ્વાસનો આઘાત

  1. ગાંઠિયો=
    “સપને વો નહિં હૈં જો સોતે વક્ત આતેં હૈં
    સપને વો હૈ જો આપકો સોને નહીં દેતેં હૈં “

    વાહ

    *લૂ દામ (કર્જ) બખ્તે ખુફ્તા (સૂતેલું નસીબ)સે,

    યક ખ્વાબે-ખુશ વલે (આરામની નીંદર),

    ‘ગાલિબ’ યહ ખૌફ હૈ, કિ કહાં સે અદા કરું.

    મારી સૂતેલી કિસ્મત પાસેથી એક રાત આરામની ઊંઘ ઉધાર તો લઈ લઊં,

    દુનિયાના બધા દુઃખોથી બેખબર થઈને સૂઈ જઊં.પણ તકલીફ એ છે કે

    એ ઉધારી જે લઈશ એ ચૂકવીશ કેવી રીતે?

    Like

    1. આદરણીય વડિલ બહેન શ્રી પ્રજ્ઞાજુબહેન,

      આપના પ્રેમ અને હોંશ ભર્યા સંદેશ થકી મન પ્રફુલ્લિત બની ગયુ.

      આવો સ્નેહ ને પ્રેમ શબ્દો થકી વહેડાવતાં રહેજો.

      આપનો ખુબ ખુબ આભાર

      કેટલાંક કારણોસર આભાર માનવા મોડો પડેલ છું તો માફ કરશોજી

      Like

  2. ભારતનું રાજકારણ વિશ્વાસધાત ઉપર જ રચાયલું છે. પહેલો વિશ્વાસધાત સરદાર પટેલ સાથે થયો. આતાજીએ સાચી વાત કરી છે કે ભારતમાં જ પ્રભુ જન્મ લે છે કારણ કે ભારતમાં જ પાપ વધુ થાય છે.

    Like

  3. FRIDAY Ni Samagri.
    Chora Ni Charchaa.
    “જો આવુ થાય તો આ નેતાઓને શ્રમનું મહત્વ સમજાય મજુર વર્ગને પડતી

    મુશીબતોનો પ્રત્યક્ષ અનુભવ થાય. કેટલા વિસે સો થાય તે ખબર પડે.”
    Hoping that the Leaders in India learn someting !
    Dr. Chandravadan Mistry
    http://www.chandrapukar.wordpress.com
    See you on Chandrapukar !

    Like

  4. આજના ચોરામાં વરસાદે સર્જેલ વિનાશની ચર્ચા અને સાથે સાંપ્રત રાજકારણ

    ની વાતો માણી .

    હવેથી દર માસના છેલ્લા શુક્ર્વારે નવીન વિષય પર એક નવીનતા ભર્યો

    અનોખો હપ્તો રજુ થશે.

    હવે શુક્રવારનો ઇન્તજાર રહેશે .

    જુમ્મે સે જુમ્મા !

    Like

પ્રતિસાદ આપો

Fill in your details below or click an icon to log in:

WordPress.com Logo

You are commenting using your WordPress.com account. Log Out / બદલો )

Twitter picture

You are commenting using your Twitter account. Log Out / બદલો )

Facebook photo

You are commenting using your Facebook account. Log Out / બદલો )

Google+ photo

You are commenting using your Google+ account. Log Out / બદલો )

Connecting to %s