ગોદડિયો ચોરો..જોને ચક્લીયો ફુલેકે ચડી.

 ગોદડિયો ચોરો..જોને ચક્લીયો  ફુલેકે ચડી.
=================================================

ગોદડીયો ચોરો

શરદ પુર્ણિમાની રઢિયાળી રાતે ખાડાવાળી ખોડિયાર માતાના ગરબે ઘુમી
ખંભાતના દરિયે દુધપૌંઆની લિજ્જત માણી ગોદડિયા ચોરાની ગમતીલી
ચર્ચાએ ચઢી ઘેર આવી નિંદ્રા રાણીએ કામણ કર્યાં ત્યાં સ્વપ્નમાં સરી પડ્યો.
સ્વપ્ન પણ મજેદાર ને રમુજી હતું એટલે ઉંઘમાં પણ હસવું આવી ગયું . આમ
તો મને એક દિલ્હીનું અને એક ગુજરાતનું એમ બે જુદાં જુદાં સ્વપ્નો આવેલા
ને મારાથી બોલાઇ ગયું ” જોને ચકલીયો  ફુલેકે ચડી.” સ્વપ્ન કૈંક આવું હતું.
દેશના પાટનગર દિલ્હીમાં જનતાના ખર્ચે મંત્રી મહોદયોના બંગલા આવેલા છે.
એક બંગલામાંથી કોઇ લડતું ઝઘડતું હોય એવા અવનવા અવાજો આવતા હતા.
વાત એમ હતી કે એક નવાસવા થયેલા મંત્રીને એમનાં ધર્મપત્ની બરાબરનાં
ધમરોળી રહ્યાં હતાં. તેના પડઘા મારા નિદ્રાધીન કાનમાં આબાદ ઝીલાતા હતા.
મંત્રીપત્ની કહે ” જુઓ દિલ્હીમાં ચુંટાયા એટલે મને થયું કે હવે સંસદને અનહદ
પૈસા મલશે . એય લીલાલહેર લાલ લાઇટવાળી ગાડીમાં ફરીશું .મારો ભાઇ બહેન
બનેવી ને મારાં પિયેરિયાંને એય મજો રે મજો થશે ને લીલા પાંદડે થઇશું.”
મંત્રી મહોદય કહે ” જો વડા પ્રધાન મોદી સાહેબનો સ્પષ્ટ આદેશ છે કે કોઇ
સગા વહાલાને નોકરીમાં રાખવા નહિ કે એમને કોઇ લાભ આપવો નહિ.”
મંત્રી પત્ની કહે ” આ સરકાર છે કે અસરકાર છે કે પછી બેદરકાર છે . એજ મને
સમજાતું નથી આ સાઇઠ વરસથી ચાલતુંં હતું એમાં નવા સુધારા કરવાની ક્યાં
જરુર હતી . હા એમને લાભ ના લેવો હોય તો ના લે પણ બીજાના હક્ક પર તરાપ
મારવાની વડા પ્રધાનને શી જરુર છે. ?”
મંત્રી મહોદય કહે ” બસ હવે આ કચકચ બંધ કરો મારે હોમવર્ક કરવાનું છે.”
મંત્રી પત્ની કહે ” પહેલાં આપણા નાનકાને હોમવર્ક કરાવતા ને હવે તમારે હોમવર્ક
કરવાનુ ભૈ જબરા તમારા આ માસ્તર સાહેબ કહેવાય.”
” આ પેલાં તમે કાર્યકર હતા ત્યારે ઝંડી પડદા બેનરો ઘેર લાવતા તે નાનકાની
બંડી ને જાંગિયા સીવડાવી લેવાતા ને ઘનદાન યોજનામાં આપે નવુંનકોર સ્કુટર
વસાવી લીધેલું ખબર છે  ને ? દરેક દિવાળીએ તમે  સચિવો ને મંત્રીઓને મિઠાઇ
અપાવવાની વાતો કરી મિઠાઇ ઘેર લાવતા તે છ મહિના સુધી વસાણાની જેમ જ
ખવાતી. હું  કહું છું  તમે મંત્રી કરતાં તમે કાર્યકર તરીકે સારા કડદા કરતા હતા.”
મંત્રી મહોદય કહે ” હવે ધીમે બોલ  નહિતર કોઇ મોદી સાહેબને કહી દેશે
તો મંત્રીપદ તો જાશે પણ કાયમ માટે રાજકિય કારકિર્દી ખતમ થઇ જશે.”
મંત્રી પત્ની કહે ” તમારા કરતાં તો ઓલ્યું સૌરાષ્ટ્રનું રૂ સારુ કહેવાય . કાર્યાલયને
તાળાં માર્યાં કાર્યકરો પર કડકાઇ કરી કેટલાય નિષ્ઠાવાન કાર્યકરોની રાજનિતીને
ખતમ કરી નાખી એ રૂ સાથે પાણી ભળ્યું તોય એ રૂ હવાઇ ગયું નહિ પણ ખીલી
ઉઠ્યું ને ટિકિટની લોટરી લાગી તો “રૂ ને પાણી “ બેય સાથે ફરવા લાગ્યાં .”
બીજું સ્વપ્ન ગુજરાતના એક પોલિસ વડાને લગતું હતું .
“જાલિમસિંહ નામે એક સાત આઠ ચોપડી ભણેલા વ્યક્તિને પોલીસ હવાલદાર
તરીકે નોકરી મળેલી  નેતાઓ  કાર્યકરો સામા મળે તો દંડવત પ્રણામ કરી
ફરજ બજાવતાને થોડી ઘણી રોકડી કરી લઇ સમય જતાં હા સાહેબ જી સાહેબ
નમસ્તે સાહેબ કહી વાંકા વળી જઇ કુરનીશ બજાવતા એટલે સબ ઇન્સ્પેકટર
પોલિસ ઇન્સપેકટર એમ બઢતી પામતા એક શહેરના કમિશ્નર બની ગયેલા.”
એમના ઘેર હુકમસિંહ નામનો એક હવાલદાર સરકારી પગારે ઘરકામ માટે સદાય
 જાલિમસિંહનાં પત્ની જમના ઝોંપડીને મદદ કરવા હાજર રહેતો હતો.
જમના ઝોંપડી કહે ” અલ્યા હુકમ પેલા મોદી સાયેબે સફાઇ ઉધ્યાન (અભ્યાન)
રાખેલુંતે તારા સાયેબને હાવયણી (સાવરણી પકડતાં ફાયું (ફાવ્યું) તું કે નૈ (નહિ).”
હુકમસિંહ કહે ” મડ્મ (મેડમ) શું ધુળ સાયેબને ફાવે. સાયેબ પેંછાં (પિંછાં) પકડીને
મુઠાબાજુએથી વારતા (વાળતા) હતા એ જોઇને બધાય પોલિસવાળા હસતા હતા
ને કહેતાહતા કે મડમે સાયેબને કોઇ દિ સાફ સફાઇનું કામ શિખવ્યું લાગતું નથી.”
જમના  કહે ” તમારી સોકીએ (ચોકીએ) જાજરુ મુતરડી બરાબર સાફ થાય છે.”
હુકમસિંહ કહે ” મડમ સફાઇ કોમદાર (કામદાર) રોજ સવારે સાફ સુફી કરી જાય છે
પણ સાયેબને જવું હોય તો અમારી પોંહે (પાસે) ફરી સાફ કરાવે છે.”

સફાઇ અભ્યાન

ઝમના ઝોંપડી કહે ” આજે તારા સાયેબને જગવા દે . આમેય દિવાળી આવે છે તો
ઘરની ને બાથરુમની સફાઇ કરાવી સફાઇ અભ્યયોનના એક્કા બનાવી દઉં .”
જાલિમસિહ જાગ્યા ને” મુછો ફફડાવતા ચા નાસ્તા માટે બહાર આવ્યા કે ઝમના
બ્લીચ સાવરણો પકડાવી કહી દીધું ચાલો ઘર સફાઇ અભ્યોન શરુ કરી દો.”
જાલિમસિંહ મુછોને વળ દેતાં  ” કેમ શેનો રોફ કરે છે. મોટો પોલિસ અમલદાર છું.”
જમના ઝોંપડી કહે ” આ મુંછો ફફડાવવાની નહિ નહિંતર ફોંસી (તોડી) નાખીશ.
મોદીસાયેબના હુકમથી મોટામસ અમલદારો પરધાનો સચિન, શશી થરરર,
બાબા રોમદેવ બધાય વળગી પડ્યા છે .  ગુજરાતમાં મહિલા મંતરી છે એમને હું
સફાઇમાં સહકાર નથી આપતા એવો કાગર પતર લખી દઇશ હમજ્યા મુછાળિયા.”
જાલિમસિહે ગુસ્સામાં બબડતાં ઓફિસમાં ગગલો સફાઇ કામદાર ટુવાલ નીચે
મુકી પગ નીચે રુમાલનો કટકો દબાવી ઉભે ઉભે પોતું કરતો હતો એવી રીતે 
બાથરુમમાંએક ડોલ પાણી રેડી બ્લીચનો ડબ્બો ઉંધો  વાળી દીધો ને જુના સાડીના
ટુકડા વડેપગ આઘોપાછો કરી પોતું કરવા લાગ્યા.હવે સાડી નાયલોનની હતી તે
ડાફોળિયાંમારતાં પગ લપસ્યો તે મોંઢું વેસ્ટન ટોયલેટમાં ફસાઇ ગયું ને પગ ઉંચા
થઇ ગયા.”
જાલમસિંહ કહે  “હુકમિયા મને જલ્દી બહાર કાઢ. ઓ બાપ રે જબરી વાસ મારે છે.”
 ઉંઘમાં મને કાગડાભાઇ બગલાની નકલ કરવા ગયા તે કહેવત યાદ આવી ગઇ.
ગાંઠિયો.-=
“કરતા હો સો કિજિયે અવર ના કિજિયે કગ
 મુંડી રહી શેવાળમાં ને ઉંચા થઇ ગયા પગ.”
(કાગડો બગલાની જેમ શેવાળમાં જંતુઓ ખાવા પડ્યો. બીજાની નકલ ના કરવી)
===================================================
સ્વપ્ન જેસરવાકર
Advertisements

16 thoughts on “ગોદડિયો ચોરો..જોને ચક્લીયો ફુલેકે ચડી.

  1. પ્રિય ગોવિંદભાઈ તમને પણ અજબ ગજબના સ્વપ્ના આવે છે .મને પણ કોઈ કોઈ વાર સ્વપ્ના આવે છે .
    હું મરી ગયો છું એવું સમજીને સ્ટેન લેસ સ્ટીલની પેટીમાં મુકીને દાટી દીધેલો .ઈ સપનાની તમને ખબર છે . સુર્પર્ણખા સાથે લગ્ન કર્યા ઈ સપનાની પણ તમને ખબર છે ,પણ આ તમારા મુછાળા જાલિમ સિંગ જેવા પોલીસ અધિકારીના મારા સ્વપ્નની તમને ખબર નથી . તો લ્યો ભેગાભેગી આજ તમને વાંચવા આપી દઉં પણ થોડીકજ દઈશ . કેમકે તમને વાંચવાનો બહુ સમય ન હોય એ હું જાણું છું .
    એલા રામ સંદર કાવડીયાની જરૂર પડી છે . આ રામચંદ્ર બિન ગુજરાતી પોલીસ મેન હતો .અને પોલીસ અધિકારીનું નામ પૈસાપ્રેમીશાહ હતું . રામચંદ્ર સાહેબને કોકના ઉપર સાચા ખોટા કેસો કરીને પૈસા પડાવીને સાહેબનું ખિસ્સું ભરે અને પોતાના ખિસ્સામાં પણ થોડા પૈસા મુકે .
    પોલસ સ્ટેશનની હદમાં એક રેલ્વેમાં ચોરી કરવામાં પાવરધો ચોર જલારામ કરીને રહે . પોલીસો ગુન્હેગારને હંમેશા તોછડાઈથી બોલાવે જયારે અમેરિકામાં માન થી બોલાવે . આ જલારામને પોલીસ લોકો જલીયો કહે . સિનેમા નટ નટીઓને લોકો તમે કહીને ન બોલાવે .
    જલીયાની માં પૈસપ્રેમીશાહના પોલીસ સ્ટેશનની હદમાં રહે . એટલે જલીયો તેને મળવા આવે . બાકી જલીઓ આ પોલીસ સ્ટેશનની હદમાં કે ક્યાંય બીજે ચોરી ન કરે એને રેલવેના પેસેન્જરોની ચોરી કરવાનું ફાવે .પણ પોલીસ તેને હેરાન બહુ કરે , ઓલી કહેવત છે કે .
    પોપૈયો ન હોય ઝાડવું , રસની ન હોય ચીર
    પોલીસ ન હોય કોઈના , એમ કહી ગયા દાસ કબીર
    જલીએ એક વખત પોલીસને કીધું કે સાહેબ મને તમે હેરાન નકરો મારા લાયક બીજું કોઈ કામ હોય તો મને તમે હુકુમ કરો . હું એ તમારું કામ કરી આપીશ .
    પૈસાપ્રેમીશાહે જયારે રામચંદ્ર ને કીધું કે મને પૈસાની જરૂર પડી છે .ઓલો દૂધવાળો પૈસા માગે છે છોકરાં
    ખિસ્સા ખર્ચી માટે પૈસા માગે છે . હાળું આતો પગારમાંથી પૈસા વાપરવાનો વખત આવ્યો . સાહેબની વાત સાંભળી રામચંદ્ર બોલે તો પછી આપને જલીયાને હાથ કડી પહેરાવીએ . રામચંદ્ર જ્લીયાને બોલાવી લાવે . જલીયાને કહેવામાં આવે કે શાહપુર વનમાળી વાંકાની પોળમાં એક તાંબા પિત્તળના ભંગારનો જથ્થાબંધ વેપારી છે એને અમે બોલાવીએ એટલે તુર્ત તું કહેજે કે હા સાહેબ આનેજ મેં ચોરીનો લોટો હાથો હાથ આપ્યો છે ,
    પછી જ્લીયાને મફતિયા નાસ્તો કરાવે ચાપાણી પીવડાવે અને પછી જલીયને હાથ કડી પહેરાવે અને સરકારી મોટરમાં બેસાડે અને ભંગારના મોટા વેપારીને ઘરે લઇ આવે વેપારીનું નામ લોભીલાલ હતું . પોલીસ વાનમાં પૈસાપ્રેમીશાહ , રામચંદ્ર અને જલીયો આ ત્રણ જણ બેઠા હોય પોલીસ લોભીલાલને બુમમારે લોભીલાલ કોઈ ભંગાર વાળો આવ્યો છે એમ સમજીને દોડતો ઘર બહાર આવે . પોલીસને જોઈ ગભરાટ સાથે વિચારે ચડી જાય કે પોલીસે મને કેમ બોલાવ્યો હશે ?
    જલીયો તુર્ત બોલે હા સાહેબ મેં આનેજ લોટો આપ્યો છે . લોભીલાલ બોલે સાહેબ આ માણસને હું ઓળખાતો નથી , આ ખોટો મારે ગળે પડે છે . .રામચંદ્ર જ્લીયાને એક થપ્પડ મારે સાલા આ તો બહુ સજ્જન માણસ મોટા વેપારી છે . તે કોઈ બીજાને લોટો આપ્યો હશે . જલીયો ગળ ગળો થઈને બોલે સાહેબ આજ માણસને મેં લોટો આપ્યો છે જો હું જુઠું બોલતો હોઉં તો મને ભદ્ર કાળી માતાના સમ .પછી રામચંદ્ર લોભીલાલને કહે શેઠ અમારેતો ગુન્હેગરનું માનવું પડે નહીતર અમારી નોકરી જાય . તમે કોર્ટમાં જરૂર છૂટી જશો .પણ હમણા તમને પોલીસ સ્ટેશન અમે તમને લઇ જઈશું . અને તમને જામીન ઉપર છો દઈશું જામીન બોલાવવા માટે અમે તમને પોલીસ સ્ટેશનથી ફોન કરવા દઈશું . પણ સાહેબ હું આ કારમાં બેસું એમાંજ મારી આબરૂના કાંકરા થઇ જાય માટે સાહેબ કોઈ રસ્તો કાઢો હું તમને થોડા પૈસા આપું પણ મને પોલીસ કારમાં ન બેસાડો . પછી રામ ચંદ્ર લોભીલાલ ને બરાબર શીશામાં ઉતારે વધુ પૈસા પૈસા પ્રેમીને આપે થોડા પોતે રાખે જ્લીયાને બુટલેગર પાસેથી દારૂનો બાટલો અપાવે અને પછી જ્લીયાને તેને ઘરે ઉતારે . જયજલારામ

    Like

  2. ગોદડિયો ચોરો..જોને ચક્લીયો ફુલેકે ચડી.”
    આદરણીયશ્રી ગોવિંદભાઈનાં શમણાં..
    આવતા વર્ષે પણ તમને આવતાં રહે..ને સૌને દિવાળી થઈ જાય.

    નૂતન વર્ષાભિનંદન.

    દીપ જેવી ઉજાશી થકી ,નૂતન વર્ષને દીપમાલાથી વધાવીએ..કઈંક સારી નવાજૂની સાથે નવું વર્ષ સૌને સુમંગલ હો..એવી શુભેચ્છા સાથે શુભ દીપાવલિ ને નૂતન વર્ષાભિનંદન.

    સૌના અંતરે સદભાવ રમે ને વિશ્વ સુખના હિલોળા લે….

    ….રમેશ પટેલ(આકાશદીપ)

    Like

  3. સપનાની વાત મજાની તો ખરી પણ સાહેબ રાતના સમયમાં કોઈની સાથે પ્રધાન વાત કરતાં હોય ત્યાં કાન ન મંડાય! પાપ લાગે. કદાચ પ્રધાન ઘરવાળીની સાથે જ વાત કરતા ન હોય પણ બહારવાળી જ હોય.

    Like

  4. ગોવીંદભાઈ તમારા શમણા-સ્વપ્નાની વાતો વાંચવાની મજા આવી .

    ચોરાને બદલે સ્વપ્નનો પ્રયોગ સફળ રહ્યો .

    આજની રાજકારણ અને પોલીસ ખાતાની સ્થિતિનું એમાં સરસ નિરૂપણ થયું છે . ધન્યવાદ .

    Like

  5. ગાંઠિયો.-=

    “કરતા હો સો કિજિયે અવર ના કિજિયે કગ

    મુંડી રહી શેવાળમાં ને ઉંચા થઇ ગયા પગ.”

    (કાગડો બગલાની જેમ શેવાળમાં જંતુઓ ખાવા પડ્યો. બીજાની નકલ ના કરવી)

    Saras Kahyu !
    Chandravadan
    http://www.chandrapukar.wordpress.com
    Avjo !

    Like

  6. એક રમુજ ચાલે છે
    પત્નીના ડરથી કરેલી સફાઇ માન્ય કરવામા આવશે નહીં
    ………………………………………………….
    આવનારી સૌ ખુશીની વાત કરીએ,

    એક નવી શરૂઆતની શરૂઆત કરીએ.

    જેટલા સુંદર, સુઘડ નેસ્વચ્છ બાહર,

    દોસ્ત અંદરથીય એવી જાત કરીએ. –હર્ષ બ્રહ્મભટ્ટ

    “કરતા હો સો કિજિયે અવર ના કિજિયે કગ

    મુંડી રહી શેવાળમાં ને ઉંચા થઇ ગયા પગ.”

    Like

પ્રતિસાદ આપો

Fill in your details below or click an icon to log in:

WordPress.com Logo

You are commenting using your WordPress.com account. Log Out / બદલો )

Twitter picture

You are commenting using your Twitter account. Log Out / બદલો )

Facebook photo

You are commenting using your Facebook account. Log Out / બદલો )

Google+ photo

You are commenting using your Google+ account. Log Out / બદલો )

Connecting to %s